عزاء ....خارج نطاق الواجب

توفى إلى رحمة الله جد انجى ابراهيم

صاحبة مدونة المهم..هات من الآخر

يارب يرحمه ويغفر له يارب

ويصبر اهله ويعينهم على الفراق!!

انا بقالى اربع ساعات مش عارفة اكتب ايه!!

فاتحة اكتب البوست وباصاله بازبهلال

من حوالى اربع او خمس ساعات!!

والحاجة الوحيدة المتركزة فى دماغى

هى يوم الوقفة ...لما كنت باعيط فى المشروع

وانجى كانت بتحاول تواسينى وتقف معايا

غير كده ...الحاجة لوحيدة اللى حاساها

كانى تلميذ متذنب قصاد حيطة بيضا !!

مش حاسة باى حاجة خالص!!

او يمكن حاسة بحاجات...بس مش عارفاها!!

إنا لله وإنا إليه راجعون

عازفة الكمان ...خاطرة

أضمك ، لترتاح بجوار نبضى ، وليدفأ خشبك المعطر ببقايا عطرى ،أغمض عينى و أدّعى انه لا وجود لغيرك فى محيطى ، اتماهى فى وجودك ، لأشعر بالأمان .
تخيفنى الاجواء الغريبة ، واطمئن فقط بوجودك قربى...
قد يؤذوننى ،وأعلم أنك لا تقدر على دفع الاذى ، إلا أنك دومًا هنا ، جوارى ، أبثك ألمى وحزنى ، أقسو على أوتارك الرقيقة ، لتنتحب بدلا منى ..
أكتم شكواى فى قلبى ، لتستشعرها فى دقاته ، وتلمسها فى أناملى ، وتصدح أناتك عبر الأثير، بلا كلمات
تتحمس الجماهير ...ويلهبون أكفهم تصفيقا منبهرا...ينعتوننى بالإبداع ، وينسون أنهم اصل الإبداع ، فمنهم تألمت وآلمتك ، وبآلامنا استمتعوا .
أخفضك وأحنى جبهتى لهم ، ألا يستحقون برأيك ؟؟؟؟؟؟
تحية صامتة لتقديرهم ، قلما وجد من يصغى لأنين بشرى ، فافخر كمانى العزيز ، كون أنينك وترى .
أعترف لك يا رفيق دربى ...أننى استخدمك لأصل إليهم ، بغيرك لا يفهموننى ...لا يسمعوننى ...ولا أدرى غيرك وسيلة ، سامحنى جرمى فيك هو جرمهم معى...أتخذك جسرا لأسر اهتمامهم ..ويتخذونى جسرا لحالة يتمنونها ...
و أظل أعزف ، ومع رجفة كل وتر ستتحرر النغمات ، لتسجننى... تغلفنى كما الدمى بالشمع ...تكسبنى جاذبية البعيد القريب ، فكما تتلظى النجوم بنيرانها ، ولا يبدو لنا منها إلا ضوء ينير دروب العشاق

..أحترق أنا ولا يبدو منى إلا نغمات الكمان .

تمت بحمد الله

بوست ع الفاضى

 نفسى اكتب بوست جديد بقالى فترة ...بس مش عارفة اكتب ايه وازاى وليه!!

اكتب عن ايه ولا ايه ولا ايه!!

اكتب بقية المقال بتاع المتحرشين ...ولا اكتب عن الكتابة ...ولا اكتب خاطرة جديدة ...ولا اهلوس عليكوا من جديد!!

انكد عليكم ....ولا اشارككم ذكرياتى الحلوة!!

طيب واكتب ليه!! وايه لازمة كتابتى !!

وجع دماغ ع الفاضى ...ولا عشان اطلع شوية من اللى جوايا!!

وياترى كتابتى لها تاثير على اى حد ؟؟ ولا تاثيرها فى سلامتى النفسية فقط!!

دماغى زحمة اوىىىىىىىىى ...ومحتاجة حد ينظم المرور فيها اوى اوىىىىىىىىى

تخريب اسكندرية ...مسئولية من؟!

استقبل كثير من أهل اسكندرية المحافظ الجديد- السيد عادل لبيب- بالضيق وشىء من التوجس ، نظرا لعشقهم لسلفه محمد عبد السلام المحجوب - وهو عشق مبرر جدا ...فى نظرهم ونظرى على الاقل- وخاصة بعد ما اشيع عن ماحدث فى محافظة البحيرة من تخريب - تكسير اسفلت وارصفة وغيره- اثناء توليه السيد عادل لبيب أمر تلك المحافظة ....من بين أمور أخرى !!!

بداية توليه السلطة ظهرت جليا فى تكسير بلاط الارصفة ....وتركيب بلاط من نوع اخر ..- وللأسف نوع أردأ عمليا ...ناعم جدا وبالتالى الناس بتتزحلق عليه بسهولة جدا ...ثانيا لونه الابيض اتحول حاليا للون اسود شديد القذارة- ...وده طبعا غير ارتفاع الرصيف المهول - ونتيجته ان ناس كتير وخاصة كبار السن مش بيقدروا يطلعوا عليه- ...هذا عدا عن تغيير شركة إزالة القمامة !!

تتالت الوعود من المحافظ بتحسين الاوضاع فى الاسكندرية مما تم تكسيره ...وتحويله الى افضل كذلك ...وللاسف لا أرى أى تحسن ملحوظ فى أى جهة ...وإلى الآن !!!

تحفظت كثيرا قبل انتقاد الوضع ...خاصة بعد متابعتى لحلقة البيت بيتك التى استضيف فيها السيد المحافظ عادل لبيب من قبل خيرى رمضان ، والذى صورت الحياة من منظار وردى مشرق ، كدت أصدقه فعلا ...لولا اقامتى فى نفس المدينة التى يتحدث عنها!!!

فى مقال سابق كنت أشكو من تردى أحوال بعض المناطق وعدم الاهتمام بها مقارنة بأماكن أخرى فى الاسكندرية ...مثل منطقة سان استفانو - والتى بعد بناء مول سان استفانو بها اعتبرت قطعة من أوربا- وبعض الأماكن الراقية نسبيا.

أما الآن فإنى أشكو تردى أوضاع مدينة الاسكندرية بالكامل...وهو ما يتضح فى الصور المرفقة بالموضوع!!

بعدما جعلت الشركة الفرنسية - اونيكس- لكل مبنى جردل القمامة المخصص له ...وكانت تقوم بصفة دورية بتنظيفه وتطهيره ، غير مجهودها الملحوظ فى تنظيف الشوارع بشكل لائق وغسل الأرصفة والشوارع ، قامت الشركة الجديدة بتغيير الجرادل بجرادل أخرى متوسطة الحجم ..بمعدل جردلين تقريبا لكل منطقة سكنية معينة بشكل شبه عشوائى ...ويتم وضعهم فى مكان ما ...ليعود من جديد التكوم العشوائى للقمامة حول الجرادل وتجمع الذباب حوله مما يجعله بيئة مثالية للأمراض والأوبئة -وتعتبر وسيط ناقل لانفلونزا الخنازير ولغيره الكثير-

نوه سيادة المحافظ فى برنامج البيت بيتك عن كم التحديثات المخطط لها ، وكيفية تحسين حياة سكان عروس البحر الأبيض المتوسط ، مثل حفر الأنفاق وتحسينات الطرق ووسائل المواصلات وتركيب مترو أنفاق ...كل هذا رائع ، ولكن أين حظ الواقع من هذه الخطط الجميلة!!!
فمنذ تولى المحافظ الجديد منصبه ، ولم نر من تلك الخطط إلا تكسير الأرصفة وتركيب بلاط جديد مكان بلاط قديم – كلاهما سليم ، تختلف الوانهما فحسب ..بدلا من اللونين الطوبى والاصفر ...اصبح البلاط ابيض تحول مع الوقت الى اسود طينى- ، اما عن حالة الشوارع ، فقد تم حفرها ليتم توصيل الغاز للمنازل – وقد تم توصيله بالفعل منذ فترة طويلة جدا – ومع ذلك لم يتم اصلاح اماكن حفر الغاز حتى الآن فى بعض مناطق الاسكندرية ، بغض النظر عن تكسير الاسفلت – والتى ظن البعض تمهيدا لاعادة السفلتة من جديد وقد اتضح ان مثل هذا الظن انما هو اثم مبين!!!
فقد تم تكسير الاسفلت منذ فترة طويلة نسبيا ، ولم يتم حتى الان اضافة طبقة الاسفلت الجديدة!!!
اما عن القمامة فحدث ولا حرج ، بعد ان كانت عاصمة الجمال ، اصبحت اسكندرية ترقد تحت اكوام من القمامة ...حتى كل الصور البشعة القادمة ...مجرد امثلة بسيطة جدا لكم الاهمال فى إزالة القمامة من الشوارع ، حتى بجوار المدارس وعلى محطات الترام!!

الصور القادمة مجرد أمثلة لحالة إسكندرية فى الوقت الحالى ...أمثلة مبسطة جدا لمن لم يراها !!

اما بالنسبة لسكانها - وانا منهم- فلهم العزاء .

الصور ملتقطة لأماكن مختلفة ، لكن هناك أماكن أخرى القمامة تحتل فيها المكان ، يعرفها جيدا ركاب الترام فى منطقة شدس ، ورشدى ومصطفى كامل .

اما بالنسبة لغير راكبى الترام ، فهو يعرفها جيدا فى طريق جمال عبد الناصر ، ويرى تجمعات القمامة فى مختلف الاماكن كمداخل بعض الشوارع ، فى العصافرة ، فى محطة مصر ، وغيرها!!

سيادة المحافظ ...سمعنا الكثير من الخطط الوردية ، ودفننا فى واقع أسود صنعته يداك ...تحت مسمى الحلم الوردى .

لذا رجاء ...اهبط قليلا إلى واقعنا ....واصلح ماتم افساده ....فيكفينا من مرارة الواقع مافيه ...دون إضافة أكوام من القمامة إليه.

والآن سأترككم مع بعض من مشاهد الواقع الناتجة عن بعض الخطط الوردية !!!

حالةلرصيف الاخر من نفس الشارع ....ومن الملاحظ وجود

الرمل والتراب المتراكم جراء التكسيرات ...وبالتالى صعوبة الصعود

الى الرصيف نفسه !!

نفس الشارع ....والتكسير التام به ...حيث تم ازالة طبقة من الاسفلت

من فترة ...هذا غير التكسير الواضح فيه منذ التصليحات المفترضة!!

جناكليس ...وحالة الرصيف ...مليان حجارة وطوب ...ومن المفترض انه للمارة!!

جناكليس ...شارع عمر المختار ...وحالة الشارع المقززة!!!

جناكليس ...ِشارع عمر المختار من زاوية اخرى

ومن المفترض انهم من المكلفين بجمع القمامة !!!

ومع ذلك ...لا يوجد تغيير يذكر فى هذا الشكل طبقا لآخر مرة مررت

فى هذا المكان!!!

جناكليس ...ِشارع عمر المختار

ثروت ..شارع عبد الحميد الديب ..من زاوية أخرى

ثروت ...ِشارع عبد الحميد الديب

الابراهيمية شارع بورسعيد ....من زاوية اخرى

الابراهيمية ....ِشارع بورسعيد !!!

كليوباترا الصغرى ...امام شارع محمود الطرينى

والصورة من رصيف الترام المقابل!

كليوباترا الصغرى ...امام شارع محمود الطرينى

والكارثة الحقيقية انه بعد ذهاب عربة جمع القمامة مباشرة!!!!

فى ثروت ..امام المدرسة ..من زاوية اخرى!!!

فى ثروت امام مدرسة محمود زكى سالم الثانوية بنات

فى شارع متفرع من ذو الفقار ...بجوار معهد تعليمى

على طريق الحرية ...امام شارع ذو الفقار بجناكليس

فى ثروت ..بجوار مدرسة محمود زكى سالم الثانوية بنات

فسحة عائلية ...مع اول يوم محاضرات

يوم 10-10
طبعا اى حد طبيعى هيقول صحيت من النوم ...بس بما انى مانمتش اساسا ...يبقى نطنش النقطة دى !!
قمت جهزت لبسى ونزلت عشان اروح الكلية ...اول يوم احضر محاضرات ..وعندى من الساعة 12 لحد الساعة 6 متواصل !!!
رحت متأخرة طبعا - عادتى ولا هاشتريها - بس الحمد لله لحقت مكان اقف جوه القاعة ...بغض النظر عن الزحمة وكتمة النفس ..والكحة والعطس الشغالين ...وان الدكتورة بتشرح من غير ميكروفون - عشان عطلان- وانى ماسمعتش غير جزئية من الكلام ...ومن الوارد جدا انها ماترتبطش بالجزئية اللى بعدها اصلا!!
خلصت المحاضرة بسرعة الحمد لله ...وناس كتييييير مشيت الحمد لله ...وقدرت اتحرك من مكانى ...والاقى كرسى كمان - عصر المعجزات لسه ماخلصش يا رجالة-
هى قالت لنا استنوا الدكتور اللى بعدى داخل على طوووووووووول ...ماحدش يمشى ، وطبعا الدكتور جه بعد حوالى ساعة الا ربع ...وماسك فى ايده المايك - لوولولولولولى - ....بس ماعرفناش نشغله -هع هع هع- ..راح مشى وقال انا راجع لما المايك يتصلح ...طبعا كل الناس ماصدقت ومشيت ...جه واحد يادوب ضغط على زرار فى جهاز تبع المايك ..المايك اشتغل على طول - كان على وشه حتة تعبير ...فاتكم بجد- وللأسف الدكتور رجع تانى ..وقعد يتكلم وبتاع ...وخلصنا على الساعة 2 وربع ...والمحاضرة اللى بعدها تبتدى الساعة من 4 لحد 6!!!
اتصلت بنوجا ..وسألتها على لقاء المدونين السكندرى ...الشبكة كانت زى الفل ...تلات اربع كلامها ماسمعتهوش ...بس الاجمالى ان احمد ما اتصلش ..وبالتالى معندهاش فكرة عن اللقاء ...بس اول ماتعرف هتتصل بيا وتقولى ايه النظام !!
طبعا قعدت محتارة ..اروح ولا استنى ..فى الاخر قررت استنى...رحت جبت سندويتشات واتغديت ...واخدت الدوا ...وعلى الساعة 3 ونص رحت للمدرج ..واستقريت هناك ....واكتشفت ان مصر جابت جوووووووووووووووووووووووووون .

4 الا ربع انجى اتصلت ...والسماعات اصلا كانت فى ودن سمر ساعتها وقالت لى احمد اتصل ..وهما هناك فى عزة ..هتروحى يا ريم؟!

لو انتى رايحة انا رايحة ....ها هتروحى ؟ ....واتفقنا نتقابل عند عزة على البحر ... وكانت اول مرة اروح لعند عزة لوحدى من غير نوجا ...وبالتالى اتوترت جدا ...بس ربنا ستر وواحدة صاحبتى من تربية طلعت قاعدة جنبى -للاسف مش فاكرة اسمها ...على الرغم من اننا فضلنا زمايل فى تربية سنتين تقريبا ...بس ده بيوضح حالة الذاكرة عندى عاملة ازاى- ..وقعدنا نرغى لحد ماهديت شوية ..ونزلتنى عند عزة ...اتصلت بانجى ...وقالت لى انها فى السكة .... شوية ووصلت وعدينا السكة وسلمت على احمد وعرفتنى عليه - ريم صاحبتى الانتيخ - وانا طبعا فى حالة رهبة وكسوف - اول مرة احضر لقاء من النوع ده ...ده غير انه ماحدش عارفنى اصلا - واتعرفنا على عادل وبدراوى وحنان وهبة _ كلهم مدونين - واتعرفنا كمان على فاتيما - فاطمة والدة يوسف - وكمان صاحبة مدونة حروف - للاسف مش فاكرة اسمها ..سامحينى معلش ..بس زى ماشفتى فوق ..ذاكرتى فيها ثقب اوسع من ثقب الاوزون- وفى كمان مدون افتكرنا - نوجا وانا - اخوات - فرحت اوى اوى اوى ساعتها - ...وناس كتير تانية ..بس للاسف انا كنت مرتبكة بقه وبالتالى كل ده ضاع ...معلش بقه !!
المهم بعدها مشينا ..ومشينا ....ثم مشينا ...وفضلنا مش عارفين رايحين فين ..لحد ماوصلنا الشيخ وفيق فى رأس التين - اول زيارة ليا للمنطقة دى فى اسكندرية على فكرة - ...وانجى يا عينى طلعت كانت واخدة نفس المشوار مشى عشان توصل لعزة ..قعدت تصوت ...انا لسه واخدة نفس المشوار مشى ....- واحتمال تكون بتدعى عليا فى سرها ساعتها-
المهم ...قعدنا شوية فى الشيخ وفيق ...وتقريبا الجرسون كان قريب عزة اللى كنا بنشتم فيها ...لأنه كان فاضله تلات دقايق ويولع فينا ...وشوية وقمنا - انجى وحنان وعادل وانا معاهم طبعا - وطلعنا نقعد على شاطىء راس التين ...اول ما دخلنا اكتشفنا ان فى 4 كلاب ..مسكت دراع انجى ...ياللا بينا نروح يا أمى ...بس بعدوا بقه ..وكان فى ولد صغير بيضرب كلب فيهم - المنظر ده ضايقنى بغباء- ووقفنا قرب المية اوى ...حنان وانجى لعبوا طيارة مرتين ...- مش باعرف العب انا اساسا- وفرحوا بيها اوى اوى الحمد لله ...بعد كده رحنا بلينا رجلينا كلنا ...والجيبات طبعا ..يعنى احنا نتبل والجيبات لا!!
بعدها بشوية احمد جه ...وبعده كلهم خلصوا وجم ....وقعدنا نتكلم ونهزر ...وانا استغلبت الفرصة ...وقعدت اتمشيت على الرمل المبلول بالمية ...وكل مرة الموج ييجى ....وانا ابعد ...ابتدى ادوخ - باخاف من البحر جدا ساعات - احترم نفسى وامشى - الادب فضلوه عن العلم برده -
الدنيا بدأت تضلم بقه ...وقلنا نروح ....ومشينا من على الشط على انغام اغنية ذهب الليل وطلع الفجر
فضلنا واقفين بره شوية على الشارع ...وسلمنا كلنا على بعض ...ولقينا مشروع الحمد لله واحمد ركبنا ودفعلنا ...
بس بعد شوية نزلنا عشان ناكل وكده ....وبعدها روحنا بقه ....وانجى كانت نيماااااااانة جدااااااااااااااااااااااااااااااااا وزورها كان واجعها اوى يا عينى
وبكده اليوم انتهى ...خلاويص
شوية كلام على جنب
نوجا : احلى احتفال ممكن يتعمل بمناسبة نجاة براثن الاكتئاب من شخصى المتواضع .... والسر الخطير بقه ...اغنية ذهب الليل وطلع الفجر كانت جاية كمفاجأة - اول ما سمعتها ضحكت ضحك - مفاجأة زى العسل بجد ....ويوم جميل ..واحلى احتفال بالعودة للحياة الطبيعية- ولو انى كنت مرعوبة ليغمى عليكى من قلة النوم وعدم الاكل ...بس ربنا ستر الحمد لله .
حنان : عسولة جدا ...وبعد شوية حسيت كاننا اصحاب من فترة وعارفين بعض من زمان ...واتفقنا اننا هنتقابل تانى باذن الله بعيدا عن لقاءات المدونين - جيران بقه ...حد عنده اعتراض ؟؟-
هبة : عسولة جدا ...اول ماشافتنى قعدت تتعرف عليا واخدتنى من ايدى عشان تعرفنى على الناس تقريبا ..وحاولت تخرجنى من حالة الذهول اللى انا فيها ....وبرده قالت لى لنا لقاء كسكندريين تانى ...انت بس حدد الميعاد والمكان يا جميل وهتلاقينى موجودة باذن الله - ونوجا معايا طبعا ...اتوه لو جيت لوحدى ..وماينفعش حد يمشى من غير انتيخته برده
أحمد : اخيرا انجى شافتك!! ...كل مرة تيجى سيرتك واحنا قاعدين ..تكلمنى على لقاء المدونين ..وتقولى تخيلى يا ريم ..جارى وماشفتهوش قبل كده خالص!! ......... احمد فكرنى جدا بواحد قريبى على فكرة...له نفس اسلوبه ...والشكل العام كمان ..اتشرفت بيك بجد يا احمد .
عادل : شخصية مرحة جدا ...كان معانا على طول ....واخد انطباع انى مصدومة او مزبهلة على طول الحمد لله - اعمل ايه انا طيب ..وشى تعبيراته قوية شويتين!!!- برده فكرنى بواحد قريبى - واحد تانى غير اللى فوق- باسلوبه والشكل العام برده ....اتشرفت بيك فعلا يا عادل .
ماما قاتيما : سلمت عليها مرة اول مارحت ..و وانا ماشية ...وقالت لى واحنا ماشيين اننا هنقعد مع بعض المرة الجاية اكتر باذن الله ...مستنية اليوم ده بفارغ الصبر .....ماما فاتيما من الناس اللى لما تقف معاهم بس ...تحس انك فى واحة ..تحس انها أم فعلا ..جو من الحنان والرقة بيميزها ...فرحت بجد انى شوفتك
بقية الناس اللى لسه ماعرفتش اساميهم ...سعيدة بيكم بجد ...ويارب اشوفكم تانى واكون تجاوزت حالة الارتباك الاولى ..واتعرف بيكم كلكم من تانى
بالنسبة لى ...انا حسيت انها زى حفلة عائلية ...واننا كلنا اخوات وسط بعض ...خارجين نتفسح ....فرحت اوى اوى باليوم ...واتمنى يارب انه يتكرر تانى كتيييييييييييييييييير
كان معكم من بيتنا
ريم وجيه

** الصورة اللى فوق دى من تصويرى - فرحانة بقه بالموبايل الجديد- من على شط راس التين ...فى صور تانية للشط احتمال اضيفها فى بوست تانى لوحده ...ياللا سلام

عوانس فى الفالانتين ....محاولة ساخرة

\" بت يا سنية ... شوفتى عنايات ماسكة فى ايد سامح ازاى ؟؟ هى خايفة ليتوه منها ؟ ولا فاكراه هيتخطف؟"
\\" لا تلاقيه خايف لتكون جايبله كلب بمناسبة الفالنتين !!"
\ كلب!! وليه بقه ان شاء الله ؟"
\\" اصله جاب لها فار ، وقالها فكرة جديدة ، بس مش متاكدين اذا كان ده عشان يقتلها من الخضة ، ولا بيشوف قدرات احبالها الصوتية؟؟!!"
\" ههههه ... تلاقيه اخد صدمة عمره ، لما اخدت الفار بالحضن وباسته كانه ابنها ، وقعدت تسبل له نص ساعة وتشكر فيه "
\\" هو انتى كنتى هناك يا نيلة من ورايا ولا ايه؟!!"
\" ياريت ... دول قالوا لى انه اثار الصدمة لسه على وشه لحد دلوقتى ، وانه بيخاف يمسك ايدها دلوقتى ، عشان اكلت بيها الفار "
\\" جتها القرف دى كمان ، بس يستاهل ، عشان يبقى يستنضف الهدايا اللى يجيبها "
\" بس تفتكرى هتجيبله كلب بجد!!!!"
\\" ما اظنش .. بس ممكن تجيب له سحلية عشان يفتكرها بيها "
\" هههههههههههه ..اقل واجب .. خليه يشرب"
\\" عارفة بافكر فى ايه ؟"
\" الشنطة بتاعت البت عنايات دى جايباها منين؟؟ انا شوفت واحدة زيها بالظبط ب 10 جنيه فى البلد !"
\\" لا يا اختى انا شفتها بسبعة ونص فى السوق ،
انا كنت باقولك انا بافكر فى ايه ، مش اسعار الطماطم ايه!!"
\" ياااه على رخامتك بت ، انتى هتقعدى تقولى بافكر فى ايه ، و وانا نايمة باحلم بايه ،وانا مالى يا امه ، ماتخلصى وتقولى بدل المقدمات دى ، احنا مش فى مجلس الشعب يا حجة"
"\\ انا مش عارفة ايه اللى بيخلينى اقعد مع الاشكال دى بس .. يا ساتر "
\" اشكال يا زبالة ... انتى كان حد معبرك اصلا ، ده انا قاعدة معاكى شفقة ، احسان ... عشان ماتحقديش على شعبيتى وتبقى شخصية اجرامية حقودة على الناس اللى ليهم شعبية زيى "
\\" شعبية يا بيئة ، دول بيكلموكى عشان يتقوا شرك وشر لسانك الزبالة ده"
\وقبل ما تكمل دلال مساجلة الردح الخفيف ، تحولت ملامحها من ملامح ريا وسكينة ، لملامح ام الهول احدث طراز
تعتقد سنية هنا وبأمل زائف انها فازت بجولة الردح الخفيف لاول مرة ، الا انه مع مرور الوقت ، ومازالت دلال ترتدى قناع ام الهول ، مع تعرض فمها لدخول الذباب والحشرات الطائرة ، ضربتها بكوعها فى جانبها الايسر بشىء من السادية ، مستغلة فرصة ذهولها
\" مالك يا بت ؟ متنحة كده ليه ؟ الدبان بيتفسح فى بقك يا نيلة !!"
\\" جتك القرف فى ملافظك ...دبان ايه وفليت ايه ... ومتنحة من المنظر اللى شايفاه طبعا !! "
\" منظر ايه تانى ... انتى محسسانى اننا قاعدين فى سينما !!"
\\" اول مرة اعرف مواهب البت عنايات فى الغسيل !"
\" غسيل!! ... انتى سخنتى ولا ايه ع الظهر كده ... كله من الاحمر اللى شبه بقع الحصبة دى !!"
\\" حصبة !! .. انتى بتدعى عليا يا بت ولا ايه؟؟؟؟؟؟ اقول ايه ... ما انتى غلاوية من يومك ... يا حمارة انا باتكلم عن عنايات .. لو بصيتى هناك هتلاقيها ماسكة جاكت سامح وعمالة تدعك فيه ، ولا اجدعها غسالة محترفة دعك !"
\" يا اختى ... اهى حاجة تضمن بيها مستقبلها ...الشهادات دلوقتى ماتساويش الحبر اللى بتتطبع بيه ... وكل ما يشوفوا خلقنا فى البيت ... ذاكرى عشان تلاقى شغلانة كويسة ...وعشان عريس كويس يرضى بيكى .. وادينا ولا برص احول معبرنا ... حاجة تقرف!!"
\\" هههههههههههههههههههههههههه ... لا بالمنظر ده هى هتشتغل بودى جارد ...مش غسالة!! ههههههههههههههههههههههههههههههه "
\" لا انتى اتهطلتى رسمى ... بودى جارد ايه يا موكوسة انتى؟ "
\\" سامح جوا الجاكت ... واخد له فومين هو كمان !!! "
\" تلاقيها عاوزة تثبت له قد ايه هى ست بيت شاطرة عشان يستعجل نفسه شوية ويتقدم لها ..دى ارضية الكورنيش دابت من كتر ما اتمشوا عليها يا بنتى"
\\" ولا تلاقيها جابتله هدية الفالانتين شوية مسحوق غسيل .. هدية غير تقليدية برده !!!!"
******************

هلاوس ...كلاكيت تانى مرة!!!

أخبار حلوة :

** صديقى العزيز طارق عميرة - صاحب مدونة كوارث- نشر عن كتابه "ناثر البخور" مقال فى الدستور ...أراه يستحق أفضل منه ...على الرغم من المديح به ..وادى اللينك

http://dostor.org/ar/index.php?option=com_content&task=view&id=33937&Itemid=36

وبالمناسبة ...وعدته يوم حفل التوقيع السكندرى انى هانشر رأيى ولسه لحد دلوقتى مانشرتهوش من يوم 28-2 ...بس الكسل زى ما انتوا عارفين ....والتحليل موجود على الورق من اكتر من شهر ...واحتمال تشوفوه قريب ...بس ده سر!!!

**دكتور صلاح - دكتور السنان بتاعى واللى باعتبره فى مكانة اب بالنسبة لى- بقه عنده حفيد تانى غير فريدة بنت بنته ...واسمه ياسين بس ابن ابنه اللى هو الدكتور محمد !!

هتقولوا لى ايه علاقتك بالخبر ..هاقولكم انا بافرح بالحاجات دى اوى ..وخاصة لو فيها اطفال ..بتقلب معايا بهطل شوية ...وهابقى اقولكم على المواقف اللى تثبت بعديييييييييين!!!

نقلبها غم بقه !!!

اخبار مش حلوة :

** عبد الله العباسى ..- صاحب مدونة - كلمات متقاطعة -....أخى الأصغر وصديقى العزيز تعبان جدا ومتألم جدا ...خالى سامى تعبان جدا ...وخالتى كمان عيانة ....ثلاثة من أعز الناس على قلبى وأقربهم لى لا أملك لهم إلا التضرع إلى الله عز وجل أن يشفيهم شفاء لا يغادره سقما ...وان يفك كرب كل مكروب وأن يشفى مرضانا ومرضى المسلمين جميعا يارب ...ويعفو عنهم ويخفف ألمهم ويجعله فى ميزان حسناتهم ..اللهم أمين ...دعواتكم لهم .

**جد انجى ابراهيم - نوجا صاحبتى وكنزى فى اصعب الاوقات- صاحبة مدونة المهم ...هات من الاخر ...تعبان جدا ..ربنا يخفف عنه يارب ويجعله فى ميزان حسناته ....اللهم امين ...دعواتكم له .

** نوجا - اللى هى ذات نفس اللى فى الخبر اللى فات- كتفها واجعها ...الف سلامة عليكى يا نوجا

** المرة دى ..انا اللى عاملة حادثة ...عربية كانت هتدوسنى وانا مروحة يوم الجمعة ...الحمد لله جت سليمة من غير اى خدوش او كدمات ...بس اللى منرفزنى انه خض رشا - اختى الاكبر منى على طول- جامد اوى ..ونكد عليها بعد ماكانت روقت !!! ونفسى الطشه قلمين بسبب الموضوع ده بصراحة !!!!

هلاوس ...من اجل سلامتى النفسية ::

**انا تعبانة جدا ...حاسة بألم مجهول المصدر مخلينى عاوزة اصرخ لحد سنة جاية عشان يخرج من جوايا ....بس المشكلة انى باكره الصوت العالى!!

**بافتكر دايما مسلسل جراي اناتومى ...لما ميريدث استسلمت وسابت نفسها تغرق ....ديريك نزل وطلعها من المية ...بس صاحبتها هى اللى فضلت وراها لحد مافاقت ...كل الناس يأست ..إلا صاحبتها ...فضلت تنعشها وتقولها قد ايه هى مهمة فى حياتها وانها شخصها المفضل "my person" ............................................................. ياترى لما اغرق ...هالاقى اللى يفضل ينعشنى واللى اكون من الاهمية فى حياته ومهما غيره حاول ...يفضل عنده أمل فيا ...فى رجوعى للحياة تانى!!

** حاسة انى فى دوامة عمالة بتلف بيا كتير اوى ..زى بتاعت الملاهى كده ...نفسى انزل واقف على ارض ثابتة ...لمجرد انى اتكوم عليها واقعد اعيط واطلع كل اللى جوايا

**قلبى مسجون جوا ضلوعى ...ونفسه يطفش ويطلع يجرى منى ...عشان يتنفس شوية ...ماحدش يعرف يجيبله جواز سفر مضروب عشان يخلع على بره!!!!

**بأكره دور الضحية جدا ...بس عايشاه اليومين دول بامتياز ...مع حالة شفقة على الذات ...لا بأس بها على الاطلاق !!!

** بيقولوا لى انى بأمر بكوارث وبلاوى ...ماهى مصر كلها بتمر بكوارث وبلاوى .....الحزن والألم اشياء بديهية جدا فى الحياة ...كلنا جربنا منها ...بس المشكلة الحقيقية ...انى حسيت بكل الكوارث اللى حصلت على مدار 21 سنة فاتت ...مرة واحدة!!!!

** نفسى أنهار ...مش عارفة ...طيب أنفجر ..برده مش عارفة ...حاسة انى محتاجة حد يوصلنى للحالة دى ..ازاى ؟؟؟برده مش عارفة...دى مشكلة الشخصية اللى هتوصلنى للمرحلة دى

** حالة قرف رهيبة ناحية كل اللى اتسببوا بالحالة اللى انا فيها ...اشمئزاز عام اعتقد انهم يستحقوه كليا !!

** احتمال أموت دلوقتى ... أو كمان تلات دقايق ....ياريت تدعوا لى بالرحمة ..حتى لو مامتش ...الرحمة تجوز على الميت والحى

** ناوية باذن الله اكتب حاجات باسلوب مختلف ...بس الارادة صفر ..والعزيمة صفرين على الشمال ..دعواتكم ربنا يقدرنى

** نفسى امشى على البحر ...احس بدفا الرمل والموج على رجليا ...وبنسمة الهوا بتحرر روحى من الغبار اليومى ..مشاكلها وهمومها !!

**" انجى جاتلك نعمة من عند ربنا"..... ياسمين قالت لى الجملة دى مرة فى التليفون ...وشايفاها معبرة عن الوضع الحالى بشدة ...ولو انى مشفقة على انجى من صعوبة الوضع ...ربنا يخليكى ليا يا نوجا ..ويصبرك عليا وعلى الحالة اللى انا فيها يا كنزى فى الاوقات الصعبة

**يارب شوية الفضفضة دول يفكوا الخنقة ...وحدك يارب عالم باللى انا فيه ..فإن لم يكن بك على غضب فلا أبالى يارب العالمين ...يارب ارحمنى برحمتك ...وانزل على قلبى السكينة ......يارب

متحرشون .. ومتحرشات

تنامت فى الفترة الاخيرة ظاهرة التحرش بشكل غير مسبوق .. واصبحت ظاهرة جماعية .. مثل احداث وسط البلد بالقاهرة المتكررة ، والتى يقوم فيها مجموعة من الشبان بالتحرش بالفتيات والسيدات اللائى اوقعهن حظهن العاثر فى طريقهم

عندما كانت الحالات فردية ... تم ارجاع اسباب التحرشات الى عدة اسباب ظاهرية منها البطالة والفراغ الذى يعانيه الشبان ، والذى يؤدى الى ارتفاع سن الزواج ومما يتبعه ذلك من اضرار بنفسيتهم ، وهذا بالتالى يعنى شريحة معينة من الشبان وهى من اعمار فلنقل 21 الى 35 مثلا!!

اما عندما تتحول تلك الظاهرة الى مرحلة مراهقين الاعدادى والثانوى فهو ان استبدت به جموح رغباته ، فلن ينصع لها ان تصدى له عرف اجتماعى قوى يهدده بالنبذ ان خالفه ، وبالتالى فهذا يستدعى مننا وقفة ، ووقفة مطولة تكون عندما نرى الرجال ممن تخطوا سن الاربعين هم من يقومون بتلك التصرفات الخارجة !!

بالتالى اعتقد انه يجب علينا ان ندقق جيدا فى الدوافع التى تجعل تلك الظاهرة تتحول الى وباء اجتماعى ، فالمسألة اصبحت تتجاوز الاسباب الظاهرة للعيان .

وهناك عدة مستويات تسببت بتحول تلك الظاهرة الى وباء اجتماعى ، فمثلا على مستوى الفرد نجد اسباب كثيرة كالفراغ الذى يعانيه ، وسياسة انتهاز الفرص ، والنظرة الدونية التى اصبح الشبان ينظرونها للمرأة ، وارتفاع سن الزواج ، والبطالة ، والهبوط العام لمستوى الاخلاقيات ، هذا بالنسبة للرجال .

اما بالنسبة للفتيات ، فبعضهن لهن دور فى ذلك ، مثلا كنوعية الملابس التى لا تترك مساحة للخيال ، وجرأة التصرفات ، واتباع نمط غربى اكثر من اللازم فى مساحات التعامل .

ولكن المشكلة الحقيقية ليست على مستوى الافراد ، لسبب بسيط جدا ، فان كانت المشكلة فردية لكان من السهل حلها ، ولم تكن لتتطور لتصبح ظاهرة جماعية ، ولم نكن لنجد طلاب المرحلة الاعدادية- وأحيانا تلاميذ الابتدائي - يتحرشن براكبات الترام ناعتين اياهن بالفاظ بذيئة ....أو ما هو أسوأ !!

وبذلك نتجه تلقائيا الى الاسرة ، حيث من المفترض انها المنظومة الاولى التى يستقى منها الفرد قيمه ، واخلاقياته ، وتشكل شخصيته .اذا نظرنا جيدا الى اسرنا المصرية سنجد انه فى حالات كثيرة جدا نفتقد للترابط الاسرى المعتاد ، فالاب مطحون عادة فى عمله لتحصيل رزق اولاده ، لتدخل الام فى ذات الدوامة ونجدها منهمكة فى اعمالها ، ونجدها عندما تعود من عملها منهكة ، تبدأ فى اعمالها المنزلية من طهى وتنظيف وغيره ، بالاضافة الى الاشراف على استذكار الاولاد ، ليحصلوا على مقدار التعليم الكافى لادخالهم فى ذات الدوامة من تحصيل الرزق ، ويقوم الاب بالاشراف من بعيد عادة ، عدا عن تعنيف الابناء من حين لآخر كى ينتبهوا لاستذكارهم ، فهو يشقى ويتعب -ويقطع من لحمه الحى- ، حتى يصبحوا شخصيات ذات قيمة فى المجتمع، فلا وقت لديه ليفهمهم القيم واهميتها ،و المبادىء الأخلاقية تتوه فى دوران الحياة ، ليصبح الأب نفسه مزعزع القيمة والمبادىء الأخلاقية ، ويغلب عليه طابع انتهاز الفرص ، استسهالا منه وحتى لا يقع فى دوامة معاناة اخرى !

يتبع ......

من السيرة الذاتية لشخصية عظيمة جدا ...

من السيرة الذاتية لشخصية عظيمة

كانت الحياة الأسرية ل " سيد" مثالية ، حيث كانت النار التى انضجت من شخصه وحولته لما هو عليه !!
بداية من والدته التى يدين لها بفضل تعليمه اساسيات التجارة الحقيقية ، وفن الاستفادة مما هو متاح حوله ، بداية من "مدرسة ايه يا اخويا ...وادفعلك مصاريف وكتب ولبس ...ليه قاعدة على بنك " ..نهاية ب " اشتغل بلقمتك ...ماعندناش تنابلة وسلاطين هنا يا ضنايا " و" الايد البطالة نجسة" .
يمكن والدته كانت تعانى من لسان سليط وشديد اللذوعة – بس عشان ستات الحارة ماياكلوهاش – وليس طبعا متأصلا فيها .
وهكذا انطلق " سيد " ليجمع مليونه الاول منذ عامه الثالث ....حيث استطاع بعد تدريب شاق بدأ منذ الولادة أن يميز بين نوعيات البشر ...ويعرف الزبون اللى بييجى بالغلاسة والتناحة ...والزبون اللى بييجى بالمسكنة والعياط!!
-بس اوعى تفهمنا غلط يعنى ...هو ماكنش بيشحت ....اطلاقا...هو كان بيبيع مناديل ، والحاجات اللى من نوعية كله بجنيه ونص ..يعنى تجارة ..يعنى مهنة شريفة ...بلاش ظن السوء ده!!-
عندما اكمل " سيد " عامه الخامس عشر ...أصبح معلم مرموق ...بعد أن كان مجرد بائع سريح ...أصبح رئيسا لمجموعة من الباعة ...يوجههم ويعلمهم من واقع خبرته العملية ....ويزودهم بما يحتاجونه من سلع مهمة فى حياة كل أسرة ...مثل " إبر الخياطة ، ودبابيس الشعر، والمرايات ، والمحافظ وغيرها " وكله ب جنيه ...ب جنيه ...ب جنيه...على نغمة تستعذبها آذان متلهفة.
وبمرور الزمن ...وكأى شاب يريد أن يكمل نصف دينه ...بدأ فى رحلة البحث عن عروس ...وحتى يحافظ على ما بناه ...لابد من عروس تسانده وتدعمه ...عروس تفهم معنى أن تتزوج من " سيد" العبقرى ...من له يد فى كل جيب وطنى ...عروس ذات مواصفات خاصة ..لتساعده فى تحقيق طموحاته الفذة ...على غرار احتكار سوق الباعة – السريحة- ...وسلسلة مطاعم فول وفلافل وكشرى ...ولحم حمير بلدى– عشان المستورد ممكن يبقى مؤذى وضميره مايسمحلوش بكده-
ومن اهم مواصفات العروس المصون انها تكون عاقلة وراسية ...مش تروح عند فلانة ولقيت عندها غسالة ...تقوله عاوزة غسالة ...وتترك التراث الاصيل من حضارة بلدنا فى الطشت والغلية والزهرة....وتستهلك كهربا ومسحوق والكلام الفارغ ده !!
او تروح عند علانة وتلاقى بوتجاز خمس عيون وشواية ...وتنسى طعم الطبيخ على نار بابور الجاز...وتشجع الحداثة والتخلى عن الاصالة!!

وبالطبع لا تسأله عن ما معه ...امرأة مدبرة ...تجيد التصرف فى المواقف الصعبة والسهلة ....لأنه سينطلق لعمله ..ولا مجال اطلاقا لمسائل ثانوية تافهة ان تشغله ...كمصروف البيت ..والاولاد ...وماشابه!
ووجد " سيد" ضالته اخيرا فى " عديلة" ....بالطبع لم تكن مثالية لمواصفاته الدقيقة ...فاضطرت لأخذ دورة تدريبية مع والدته " أم سيد" لعدة أشهر قبل أن تتقن فنون التدبير والتصرف .
وهكذا انصرفت حرم "سيد" إلى تربية أولادها على غرار تربية " أم سيد" ل "سيد" ...لتوفر له الدعم المعنوى والمادى المطلوب ...بل وتنشأ معه كوادر جديدة من الباعة!!
ومن هنا انطلق " سيد" ليحقق انجازاته العظيمة ..ويكون مليونه الأول ...وانبثق من واقعه افكار خيرية استثمارية علمية معملية فذة!!
قرر " سيد" بناء جامع كبير ...وتسريح مجموعة من صغار الكوادر على ابوابه ...لبيع السواك وسجادات الصلاة ..وملابس للصلاة ..والمسابح ..لزيادة الثواب والتشجيع على الالتزام بالسنة – شفتوا حب الخير يا ناس-.
ولكن كما تقول الحكمة " ساعة لربك ...وساعة لقلبك" قرر افتتاح شركة للانتاج الفنى ..من نوعية تحت السلم المعروفة ...رغبة منه فى تشجيع اصحاب الموهبة من اولاد منطقته ..وقام بتسويقها بين سائقى التاكسيات والاتوبيسات بانواعها ..لتلقى رواجا عظيما وتحقق شهرة ...وارباح خيالية ، ليفتتح بعد ذلك قناة متخصصة فى الاغانى والاعلانات ...وهنا لنا وقفة!!
فقد كان "سيد" رجل كأى رجل يعجب بكل جميل ....ولم تعد" عديلة" تتناسب مع وضعه الاجتماعى الجديد....لذا فقد ترك لها منزلهم القديم ...وتركها فى رعاية اولاده – الجدعان- و راح يشوف نفسه بقه!!
وبعد البحث والتمحيص ودروس مكثفة لمحو اميته فى عالم الطبقة الثرية...من لغة واتيكيت ...وجد ضالته فى "أشكناز" لتدخل به فى عالم جديد كليا!!
وجدت " اشكناز" فى " سيد" نواة لسياسى بارع ...يرعى مصالح ابناءمنطقته ويسعى لابعاد شبح البطالة عنهم!
واخذت تزرع فى نفسه فكرة الترشح لانتخابات مجلس الشعب ...معززة بذلك بافكار مغرية كالحصانة ..والنفوذ ...وخدمة ابناء منطقته طبعا!!
وهكذا رشح " سيد" نفسه فى انتخابات مجلس الشعب ... وهكذا اصبح شعار المنطقة ولسان حالها يقول " سا سا سا سيد يا سيد" .
وفاز" سيد" باكتساح فى الانتخابات ...وخاصة وهو من له كيلو لحمة فى كل بيت !!
ولكن ...للاسف بعد ابتعاده عن مسقط رأسه ...اصبح "سيد" بعيدا بافكاره واحاسيسه عن اولاد منطقته ...واتجه للتفكير الاستغلالى المحض !!
وهكذا...بعد محاولة تلو أخرى من ابناء منطقته فى تحقيق بعض مما وعدهم به ...ورجوعهم بعد تجريدهم من خفى حنين واللى فى جيوبهم ...تفشت فى قلوبهم كراهيته كأنه مصلحة الضرائب.... وقرروا إعلان الحرب النفسية عليه.
وكالعادة ..وحتى تكون الحرب ذات قوة وتأثير ...اتجهوا لزوجته الأولى " عديلة" ..واخبروها عن رغد عيش يوفره لضرتها " اللى ماتتسماش " نظرا لغرابة اسمها عن لغتهم الاصيلة...وعن شكهم فى كونه " صاحب رجب" ...فمن تزغ عينه مرة ..تزغ الف!!
واستثاروا فيها غريزة الامومة ...حيث نبهوها الى احتمالية ان يحرم اولاده منها من ميراثهم فيه ...فلم يعودوا قد المقام السامى يا اختى ...ويا مأمنة للرجال ..يا مأمنة للمية فى الغربال !!!
وهنا ثارت " عديلة" وقررت تطلع عليه القديم والجديد ...ولمت اولادها حولها ..واتفقوا على خطة ماتخرش المية ...ترجع ل"سيد" عقله ...ولأصله.
وهكذا اتجهت " عديلة" لوسائل الاعلام المختلفة ...لتخبرهم عن بداية مشوار " سيد" وكيف ساندته به ..وكيف علمت اولادها حرفة ابيهم ....ليتخلى عنها بعد ذلك وعنهم ...مستغلا نتاج تعبهم وشقاهم ..وحسن تدبيرها واقتصادها ...ليكون لنفسه بعد ذلك صرحا اقتصاديا يمكنه من الزواج من " اشكناز" ...ورميها واولادها دون الاهتمام بما يحدث لهم ...وكأى صحافة حرة ...قامت الصحافة الصفراء بما يجب ..مع شوية اضافات وبهارات والذى منه ..وقطعت فروته وتقريبا وصلت للجمجمة.
وطبقا للحكمة الشهيرة" العجل لما بيقع بتكتر سكاكينه " ...فتحت كل ملفات " سيد" التى لم تغسل بعد ب " تايد" اللى مافيش معاه مستحييييييل ...وكانت فى ذلك بداية النهاية .
اقيل " سيد" من منصبه فى مجلس الشعب ...وتمت مصادرة مبالغ خيالية من امواله وقد انتهزت الضرائب الفرصة لذلك ...وقامت " اشكناز" بالاستيلاء على الباقى ...وخلعته وخلعت هى على بره باللى معاها.
وقد ادارت الدنيا ظهرها ل "سيد" ...وساء به الحال ...وعاد الى مسقط رأسه مهزوما مدحورا ...إلا أنه تلقى استقبال الانذال الاوغاد ..وبعد ان كانت الضربة موجهة لامواله وكبريائه وسمعته ..طالت عقله ...وفيوزات دماغه ضربت ...وسرح فى الشوارع مستعيدا ايام مجده مغنيا " ساساسا سيد يا سيد" .
وقد رق قلب " عديلة" لحاله ..هى وأولاده ...وتناشد قلوبكم الرحيمة أن تتوسطوا لديه حتى يعود إلى دياره معززا مكرما ..نظرا لرفضه محاولاتهم لاستعادته ..مرددا " رجب حوش صاحبك عنى ".
تمت بحمد الله
7-9-2009

بلا منطق ...لأجلك .........خاطرة

لا تحدثنى عن المشاعر ، فهى لا تخضع للمنطق !!
فإن أردت أن تتحدث عنها ، رجاء .. حررنى من المنطق
فكيف أدرك ماذا يعنى جنون الحب وقد قضيت عمرى ملتفة بعباءة بحث الأسباب والنتائج!!
وقبل أن تتحدث عن أحاسيس طالما فاضت بها عيناك ، علمنى أولا لغة عيون العشاق ...
سرت فى حياتى على نهج الفلاسفة والعلماء ، فكل شىء يخضع للتأمل والبحث .. مررت بألف قضية وأكثر .. قضايا زعزعتنى من جذورى ، وقضايا حطمت غرورى ، وكلها زادت من قوة المنطق !!
عرفت عشرات غيرك ...تباحثنا فى آلاف القضايا ..تقارعنا حجة بحجة ،
غلبونى وغلبتهم ، ولكن.....
لم يخبرنى غيرك أن لضحكاتى رنة تخترق الخلايا ..
ولا أن تموجات شعرى تنبأ عن عبث اتخذ فى نفسى خفايا!!
صدقا .. تحيرنى التفافة اصابعك حول كفى ، كم تشعرنى بالحماية!!
رويدا رويدا .. تترافق خطواتنا ..يحركنى فضولى ..وإحساسى بالأمان
أتوق لأرى العالم عبر عينيك ...وإن كنت لست أدرى كيف .. هلا علمتنى؟؟
لم أغمض من قبل عينى .. وأترك زمام أمرى لغيرى ...سأحاول معك ولكن عدنى ...ألا تتركنى أضيع من يديك فى تعرجات الطريق .. أو أزل بعثرة فتضيق بى وتهجرنى بمنتصف الرحلة!!
وإن جبنت لحظة ...كن أنت روح المغامرة التى تنطلق بى للسعادة ...فرح من نوع جديد تماما ..كفرحة طفلة بألوان الطيف السبعة فى سماء صافية ..بعد أن اعتادت الأجواء الرمادية القاتمة للضباب...
سيعتاد قلبى دفء ابتسامتك ..وحنان عينيك ...وسيرويان ظمأ مشاعر ملهوفة لبعض من حب ...وسيفيض منها لأجلك ...ليمحى آلام انتظارك ...وستتفجر لأجلك ينابيع دافئة لتغسل همومك فى حبى ...وستتلهف شفتاى لتعلن ..كم أحبك ....ياحبيبى .

تمت بحمد الله 6\8\2009

حب من طرف واحد ....نص أدبى

الخواطر دى جزء من سجال أدبى لمجلة " تعرف تكتب خواطر ...طيب قول وسمعنا" .....كان مع " أشرف المهدى" ...بس بما انى ما اسئذنتش أشرف ..فهانشر الجزء الخاص بيا بس !!

اللذيذ فى الموضوع انى لما دخلت السجال اصلا ..كنت فاكراه سجال خواطر فصحى ..وكنت داخلة وانا قايلة انى مش هالحق مكان اساسا ...بعد ما كتبت اول مقطع اكتشفت انه سجال شعر فصحى ..بس كنوع من رفض الانهزامية ..كملت للاخر ... وعلى ذلك ...تقدروا تعتبروها قطع نثرية ..او خواطر منفصلة عن فكرة واحدة ..هى الحب من طرف واحد

وارجو انها تعجبكم ..وادى العمل

******************

على بوابة أرض الأمنيات ..دوما أنتظرك
أفسر منك كل لمحة عفوية ...بعشق متعمد... فهذه التفاتة عطف ...وأخرى نظرة اهتمام ...وابتسامة تتلون فى قلبى بلون الدفء ...
اختزنهم ذكريات تجمعنا ...وان كانت تضم عشرة غيرنا ..وان ضمت ألف ..تبهت ذكراهم جميعهم ...وتظل أنت
تنظر إلى هذه وتلك ..تبتسم لهن بدفء ...وتعاملهن بمودة ..مثلما تعاملنى ...فيثور القلب لك ...شهم هو ...يعاملهن حقا كسيد مهذب ..وينسى أنه لا يميزنى عنهن!!
فإن ثار عقلى ..هدهده الحزن ...واستشهد بأساطير حب أفناها العقل ...ولم يبق لأبطالها إلا الموت البطىء ...ربما ليس بعمر الزمن ..وإنما بعمر الألم
ويتراجع عقلى من جديد
ويترك لقلبى أثقال الحديد
من أمل زائف ونظرة لبعيد
سراب حب ، وضباب عنيد
يلفنى فى كل لحظة انتظار
احترفته حتى الملل
لما كنت أظنه حدث جلل
لعقل اتقن فنون الزلل
ولقلب أعماه الأمل
ولا يدركان لأى عمق
سيكون الاندحار
وعلام سأعلق ذنب الجفاء
خيانة قلبك لعهود الوفاء
أم لقلب سرقك فى لحظات اشتهاء
وأضع عليك كل لوم واتهمك بالرياء
فغير ذلك سيكون لى كالانتحار

***********

يا الله ...أو كنت تدرك !!!
ترانى اتمزق أمام عينيك
وتدعونى – بكل جرأة – صديقتك
أيا من كنت رفيق طفولتى وحلم مراهقتى
وعذاب شبابى ...إنى أرفضك
أرفض شفقتك ...وحزنك لأجلى
أرفض عينيك التى تلحظان ألمى
أرفض أمنيتك بقلب احتياطى
لترمم به كبريائى الممزق
سأبدد بيدى السراب ...وسأدس السم للحلم
وسأكف عن رتق خيوط الهوى ..لأدع نيران حبك لغيرى تحرقها
سأرحل ...كى لا أعذبك برؤيتى وسيف الحب يهوى على قلبى
سأرحل ...فلم يعد قلبك ولا حبك هو ما يطفأ نيران وجدى
نفيك من حياتى وحده ...سيعيد إلى ماهو أغلى من فرحى
سيرد لى كبرياء ذبحته فداءا لقلبك ...دون حتى أن أدرى
********

إنما رحيلى لترك الذكريات
لأبنى حياتى من جديد ..بعيدا عن أطلال قلبى
لم تعد حياتى هنا ...إنما بقاياى ..
هنا انتحرت أحلامى ...وتلوثت ذكرياتى بدماء حبى المرفوض
برحيلك أو رحيلى ...سأختفى من حياتك
معشوقتك هنا ..فلأجلها ابق ...اجعل منها صديقتك
لانى ساحرق خلفى الجسور ...لأحترق حتى الثمالة ..وأبعث من رمادى بقلب جديد ...لا حب فيه ...ولا أحلام ..

ابق لأجلها ..وكن لها نعم الصديق ...وابن معها ذكريات عذبة ..لتكون ذخرا لأيام تقسو وترخو بينكما ...ولتكن ابتسامتها شمس تبدد ضباب رحلتكما ...فلم يعد هذا مكانى ...
لذا فرض علي الرحيل...
وحق عليك البقاء....
*******

سنظل دوما أصدقاء
فالصداقة صدق ...ولست بكاذبة عليك
والحب -يا صديقى -...إن لم نتبادله ...
لن يصيبنا إلا الشقاء ...
وقد شقيت بحبك ..ورضيت بالبقاء
ولم تدفئك بعد ذكريات ...جعلتها جوهر حياتك
لم تلفها بمعطف يحميها من البرد ..
ووجود يحميها من الغرباء
ودفترشعر ...وألف كتاب ...
تحمل بين طياتها ملاحظاتنا ...عندما تبادلنا حولها الاراء
ورسمات بالفحم ...وطبعات ملونة ...بها خطوط بصماتنا ...
و ورود قطفتها ....لتقى يديها شر الأشواك ...وتتوّجها بها فى لحظات الصفاء ...وجففتها لتعطر أيامها بذكرى عذبة
ولم تلمها عيناك ..عندما تنسى مواعيد الدواء
لم تر فى عينيها ...نظرات حب غيرك
أو نظرات أمل ...تشتهى يوم اللقاء
فإن مررت أنت بكل هذا ...أوكنت تحتمل بالبقاء؟
و الآن ..حان وقت الرحيل ..
ولن يكون إلا فى الذكرى اللقاء
*************

هنا انتهى السجال ....بس اعتقد مش مفهوم نوعا ...وهاحط لكم لينك السجال ...على الفيس بوك

اتمنى تعجبكم يارب ...والسجال فعلا كان مميز جدا بالنسبة لىhttp://www.facebook.com/topic.php?uid=4821947778&topic=10474 وتجربة جديدة ومختلفة

هلاوس ...ومش عمل أدبى خااااااااالص

شبه اخبار قديمة :
· السيدة الاولى تتعجب من العشوائيات ومساحتها – حوالى 50 فدان- الموجودة بالقاهرة – العاصمة- وذلك فى افتتاح مشروع مساكن زينهم

· فى ذات نفس نشرة الاخبار ...اعلان عن حفلة اقيمت فى مصر الجديدة المقامة بالشارع – على الطراز الاوربى – حيث تم اقفال شارع خصيصا للاحتفال – مش فاكرة بايه بالظبط بصراحة بس تقريبا كانت احتفال بمرور كام سنة على وجود حاجة – بالمناسبة ...فى ذات نفس العاصمة!!!

· تصريح من مصدر امنى عن كون الاعتقالات هى عبارة عن وسيلة لحماية الشباب من بعض التيارات المفسدة !!!!

· وزير الداخلية ينفى تحول التحرش الجنسى الى ظاهرة فى الشارع المصرى!!

بعد كل الاخبار القديمة دى ...مش عارفة ليه حاسة انى مواطنة كوالامبورية!!!

***********

كتب * كتب
· كتاب " عايزة اتجوز" لدكتورة غادة عبد العال...كتاب مميز جدا فعلا ...جرعة الضحك عالية اوى ...على قد جرعة الواقع ومرارته ..لفت انتباهى لحاجات كتير اوى بشعة فى مجتمعنا!!
· كتاب " افتوكلايزو" للاستاذ اسامة غريب ...ومجموع المقالات المميز جدا ...واكثر ما علق بذاكرتى ...مقال " فروق ثقافية" ومقال اخر عن محافظ اسكندرية ...اؤيد استاذ اسامة فى الاول بشدة ...واعارضه فى الثانى بعنف ...
· بعد قراءتى لرواية احسان عبد القدوس " ونسيت انى امرأة " و مسرحية " لا أستطيع أفكر وأنا أرقص" ...سؤال واحد بس بيتردد فى دماغى ...هو إحسان عبد القدوس ..قعد فى الاعتقال كام سنة؟؟!!!!
· بعض الأعمال الأدبية ..بتحسسنى بغبائى بشكل مش طبيعى ...بس اكيد يعنى كل الكلام المكلكع ده له معنى عميق ..اعمق من فهمى السطحى للأمور !!
· روايات كتير قراتها فى الفترة الاخيرة ...وقصص قصيرة وأشعار ..وكلها فتحت عيونى على حاجات كتير ..وان كانت بسيطة اوى ...بس لها عمق كبير اوى
******

مواقف ...وجدل بيزنطى:
· اتعرفت على ناس كتير فى الفترة الاخيرة ...ناس جميلة وشخصيات عسولة اوى اوى ...بس لو اقتنعوا انى لا باحط صورى على ماسنجر او فيس بوك ..ولا بادى نمرة تليفونى لحد ماشفتهوش قبل كده وجها لوجه ..من غير نقاش او جدل ..هتبقى الحياة اجمل بكتير
· الحب احساس تلقائى ...ماينفعش نجبر حد عليه ...ولا نخطط لحد انه يحب حد ...لان لو ماكنش جوه الطرفين استعداد للحب ده ...يبقى اهلا بيك فى دنيا العذاب ....وفى دى برده ياريت بلاش جدل بيزنطى!!!
· مجرد اقتناع بعض الناس بقناعات معينة ...مش معناها انها فرض عليا ...مهما كان قرب الناس دول منى ...
· الرقابة ..الاوامر ...لعبة السلطة ...رفضتها وانا عندى 7 سنين ..فما اعتقدش بعد مابقيت 21 سنة ..هاقبلها من حد ...اللى اتعود يكون رقيب نفسه ...وواضع معاييره ...بتشنقه معايير غيره!!
· لمجرد انك ساكت ....بعض الناس بيفتكروك امعة!! ...ومش بيحترموا نفسهم الا لما تثبت لهم انك ممكن توصل لاسفل درك من البذاءة لو طلبت معاك!!!
· زى ما ضربت فى دماغى اجيب دبدوب كبير ...وانى اتعلم عزف على الاورج ...ضاربة فى دماغى دلوقتى اجيب سارى هندى....شوية جنون لا ضرر منه اطلاقا ...مش كده برده؟
· جرح بينزف ...وصوت بكاء ...وألم بس مش بيتحس ...ازاى ما اعرفش ...بس بين الضلوع حاجات كتير غريبة بتحصل!!!
· احداث كتير بشعة بتحصلى ...ولناس غاليين على قلبى جدا ..- يعنى بتحصلى برضه- ....يارب يفك كرب كل مكروب ...ويهدينا للصواب جميعا يارب ..
· بس لطف ربنا ورحمته واسعين اوى ...احداث كمان جميلة بتحصلى ..وبتبين قد ايه ممكن تفاصيل بسيطة وصغيرة اوى ورمزية ...بس تفرق كتير اوى فى نفس الانسان
· بعد شوية الاكتئاب اللى فوق ...نجيبلكم خبرين حلوين ..كفاية كده غم يعنى ...اول واحد ...انا نجحت يا رجاااااااااااااااااااااااالة ...ويا بنات برده ..احنا لينا غير البنات يعنى!! ..ولأول مرة فى تاريخى الجامعى المنيل بنيلة ...نجحت صافى ...ومش معايا ولا مادة!!! بس مش معايا التقديرات لسه ...اول ما الفضايح تظهر كاملة ...هاسيحلكم ...وممكن لا ..على حسب حجم الفضيحة يعنى
· تانى حدث ...كسبت صديقة جديدة ...انجى ابراهيم- صاحبة مدونة هات من الاخر - انوج العسولة ...بنوتة زى السكر ...وقلبها رقيق اوى اوى ..وبتدى اشراقة خاصة بيها لاى حدث بيحصل .... رحت معاها فى احلى فسحتين حصلولى من زماااااااااان اوى اوى ....يارب يخليكى ليا يارب ...ونفضل اصحاب دايما ...وأكون عند حسن ظنك يا قمراية \ على فكرة ...هى لسه ماعرفتش انى مجنونة رسمى ...بس ماتقلقوش ...هتشوف بنفسها بعدين!

******

أسرار حربية ...اللى بيقراها بنقتلوه- عشان نبقى واضحين من الاول يعنى
· ماما ....وحشتينى أوى ...تفاصيل كتير كانت بينا وحشتنى ...ملامحك ...صوتك وانتى بتقوليلى – حبيبى يا متغرب – لما باكون لوحدى ...وحشتينى أوى ....فى حاجات كتير اوى ...بس ما أقدرش أقول غير ...ربنا يرحمك يا أمى ...ويبدلك دار خير من الدار ...وأهل خير من الأهل
· جدى ....وحشتنى أوى أوى ...ووحشتنى ابتسامتك لما باضحك لك ....ونظرة الحب اللى فى عينيك ...و وجودك اللى كان بيواسينى فى حزنى ...كان يكفينى اوى انك معايا فى نفس المكان ..تفاصيل كتير برده جمعت بينا ...غالية اوى اوى على قلبى ...عشان انت دايما فى قلبى ..الفارس الوحيد ....يارب يرحمك يا جدى ...ويبدلك دار خير من الدار ...وأهل خير من الأهل
· جدتى ...طال فراقنا أوى ...سنين كتيرعدت ...بس عارفة ...مش عارفة ليه دايما لما بافتكرك ...بافتكرك وحواليكى هالة نور ...وباتحسر أوى على أيام وجودك بينا ...وحشتينى أوى ...ووحشنى جو الاحساس بالأمان والحنان والحماية ...واحاسيس كتير اوى صعب اوصفها فى كلام ...ماينفعش بس غير انه يتحس بيها ...ربنا يرحمك يا جدتى ...ويبدلك دار خير من الدار ...و أهل خير من الأهل
أهلى ...وحشتونى اوى اوى ...يارب يلم شملنا فى الجنة يارب ...ويخفف عنى وعن كل اللى وحشتوهم زيى فراقكم ...ويجعل مثواكم الجنة يارب ويرحمكم برحمته الواسعة

أدعية

حبيت اشارككم الادعية دى .. وربنا يغفر لنا جميعا ويرحمنا برحمته ويفك كرب كل مكروب

اللهم انك سلطت علينا عدوا عليما بعيوبنا - يرانا هو
وقبيله من حيث لانراهم -- اللهم آيسه منا كما آيستـه من رحمتك وقنطه
منا كما قنطـته من عـفوك -- وباعــد بيننا وبينه كما باعـدت بينه وبين
رحمتك وجنتك

************

لا اله الا انت سبحانك اني كنت من الظالمين

اللهم إن كان رزقي في السماء فأنزله

وإن كان في الأرض فأخرجه

وإن كان بعيدا فقربه

وإن كان قريبا فيسره

وإن كان قليلا فكثره

وإن كان كثيرا فبارك لي فيه

لا إله إلا الله وحده لا شريك له .. 
له الحمد وله الملك وهو على كل شئ قدير 
لا إله إلا أنت سبحانك .. إني كنت من الظالمين
سبحان الله، ولا إله إلا الله، والله أكبر 
اللهم صلي على محمد وعلى آله الطيبين الطاهرين

اللهم إني أسألك باسمك الطاهر الطيب المبارك الأحب إليك الذي إذا دعيت به أجبت وإذا سئلت به أعطيت وإذا استرحمت به رحمت وإذا استفرجت به فرجت

اللهم إني أدعوك الله وأدعوك الرحمن وأدعوك البر الرحيم ، وأدعوك بأسمائك الحسنى كلها ماعلمت منها وما لم أعلم أن تغفر لي وترحمني

اللهم يا رحمن يا رحيم يا سميع يا عليم يا غفور يا كريم إني أسألك بعدد من سجد لك في حرمك المقدس من يوم خلقت الدنيا الى يوم القيامة تقدرنى على طاعتك وترحم والدى وتحفظ أ سرتى وأحبتى وأن تبارك لى فى مالى وعملى وتسعد قلبى وتفرج كربى وتيسر امرى وتغفر ذنبى وتطهر نفسى وان تبارك لى سائ ر ايامى لما تحبه وترضاه يارب العالمين اللهم امين

********

اللهم صـلي على محمد و على أل محـمد 

  كما صـــليت على إبراهيم و على أل إبراهيم 

  وبارك على محمـد و على أل محمد 

  كما باركت على إبراهيم و على أل إبراهيم 

  في العالمين انك حميد مجيد
************

  

بسم ‏الله الرحمن الرحيم 

  

اللهم صلي على محمد وعلى اله وصحبه 

اللهم/ يا ذا الجلال و الإكرام يا حي يا قيوم ندعوك باسمك الأعظم الذي إذا دعيت به أجبت,أن تبسط على والداي من بركاتك ورحمتك ورزقك 
اللهم / ألبسهما العافية حتى يهنئا بالمعيشة , واختم لهما بالمغفرة حتى لا تضرهما الذنوب , 

اللهم/ اكفيهما كل هول دون الجنة حتى تُبَلِّغْهما إياها .. برحمتك يا ارحم الراحمين 
اللهم/ لا تجعل لهما ذنبا إلا غفرته , ولا هما إلافرجته , ولا حاجة من حوائج الدنيا هي لك رضا ولهما فيها صلاح إلا قضيتها , 
اللهم/ ولا تجعل لهما حاجة عند  أحد غيرك 
اللهم / و أقر أعينهما بما يتمنياه لنا في الدنيا  
اللهم / إجعل أوقاتهما بذكرك معمورة  
اللهم / أسعدهما بتقواك  
اللهم / اجعلهما في ضمانك وأمانك وإحسانك  
اللهم / ارزقهما عيشا قارا , ورزقا دارا , وعملا بارا  
اللهم / ارزقهما الجنة وما يقربهما إليها من قول اوعمل, وباعد بينهما وبين النار وبين ما يقربهما إليها من قول أوعمل 
اللهم / اجعلهما من الذاكرين لك , الشاكرين لك ,الطائعين لك , المنيبين لك  
اللهم / واجعل أوسع رزقهما عند كبر سنهما وإنقطاع عمرهما  
اللهم / واغفر لهما جميع ما مضى من ذنوبهما , واعصمهما فيما بقي من عمرهما , و ارزقهما عملا زاكيا ترضى به عنهما  
اللهم / تقبل توبتهما , وأجب دعوتهما  
اللهم / إنا نعوذ بك أن تردهما إلى أرذل العمر  
اللهم / واختم بالحسنات اعمالهما 
اللهم / وأعنا على برهما حتى يرضيا عنا فترضى , 

اللهم / اعنا على الإحسان إليهما في كبرهما  
اللهم / ورضهم علينا , 

اللهم / ولا تتوافهما إلا وهماراضيان عنا تمام الرضى , 

اللهم / و اعنا على خدمتهما كما يبغي لهما علينا, 

اللهم / اجعلنا بارين طائعين لهما 
اللهم / ارزقنا رضاهما ونعوذ بك من عقوقهما  
اللهم / ارز قنا رضاهما ونعوذ بك من عقوقهما  
اللهم / ارزقنا رضاهما ونعوذ بك من عقوقهما  

اللهم اغفر لهما وارحمهما اللهم جازهما بالحسنات احسانا وبالسيئات عفوا وغفرانا 
************ ********* *********  
اللهم / اني اسألك من خير ما سألك به محمد صلى الله عليه وآله وصحبه واستعيذ بك من شر ما استعاذ به محمد صلى الله عليه وآله وصحبه
اللهم / ارزقنى زهو جنانك , وشربنى  من حوض نبيك واسكنى دار تضيء بنور وجهك  
اللهم / اجعلنا ممن يورثون الجنان ويبشرون بروح وريحان ورب غير غضبان ..  
اللهم / حرم وجهى عن النار واسكنى الفردوس الأعلى بغير حساب
*************

لا اله الا الله عدد ما كان, وعدد ما يكون, وعدد الحركات والسكون
*********

قل اللهم صلي على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم وبارك على سيدنا محمد وعلى ال سيدنا محمد كما باركت على ابراهيم وعلى ال ابراهيم في العالمين انك حميد مجيد

***********

 سبحان الله وبحمده سبحان الله العظيم 

**********

وأخيرا .. بما ان كل الادعية دى وصلتنى عن طريق رسائل فوورود .. فجازاهم الله كل خير وجعله فى ميزان حسناتهم 

اضرابات .. مصادرات .. اشياء من هذا القبيل

 

اعتقد انه لا يوجد من لم يسمع باضراب 6 ابريل بعد ، خاصة بعدما حدث فى المحلة الكبرى العام الماضى!! 
ولست بصدد تحليل مدى نجاح او فشل الاضراب هذا العام ، او مناقشة صوابيته من عدمه ،فلست بمحلل سياسى ، فما جذب انتباهى بالفعل هو القبض على الفتاتين امنية وسارة ، والحق يقال .. فهذا لم يجذب انتباهى فحسب .
فقد جذب انتباهى واثار غيظى وغضبى الشديد كذلك ، نظرا لما سمعت من اجراءات فى الاعتقال من اهانة وضرب!!!!!!!!!!!
وليس هذا بجديد – للأسف الشديد- فى مجال التعامل مع الأمن فى بلدنا ،فاصبح من المعتاد سماع اخبار الاعتداءات التى تحدث فى الاقسام على المواطنين ، شاكين كانوا ام مشتكين ، رجالا كانوا ام نساء !!
أصبحت تلك الأخبار اعتيادية جدا ، لدرجة أن تصاب بالذهول ان سمعت عن معاملة كريمة بداخل اى مكان يتبع جهة امنية فى مصرنا الحبيبة !! 
مما يحتم علينا التساؤل ... الى اين نتجه من تلك المعاملة ؟؟؟
هناك عدة احتمالات كنتيجة لذلك النوع من العنف فى التعامل .. وخاصة ممن يفترض منهم الحماية وتوفير الأمن والأمان .. الامر الذى جعل المصاب افدح بكثير !!
أبسط نتيجة هى التعود ... يفقد التعذيب والاهانة قوة ارهابهم ،لتصبح قوة غير مؤثرة على الشخص العادى ، يصبح التهديد بهما غير مجد ، مما يؤدى بالتالى الى الاستهانة بقوة الامن ، ويصبح عصيانها والاستهانة بها ابسط شىء ، ويكون ذلك نتيجة كثرة استعمال العنف او التهديد به!!

نتيجة أخرى هى اللجوء للمنظمات الدولية ، مثل منظمة حقوق الانسان وذلك نظرا لتنافى تلك المعاملة مع الاعلان العالمى لحقوق الانسان والذى يكفل حق الامن والامان لكل فرد بغض النظر عن دينه او توجهاته وافكاره او جنسيته او نوعه او لونه .
ولو ان هذا الاختيار قد يسبب تدخل فى سياسات الدولة، الامر الذى يرفضه الكثيرون ، وقد يعتبره البعض خيانة للوطن!!!!!!
بالطبع هناك نتائج اخرى ، غير الاستهانة بقوة الامن ، وغير اللجوء للمنظمات الدولية ، مثل الكراهية والعدائية التى يكنها المواطنون لافراد الامن ، مما قد يؤدى الى معاملتهم بعدائية ، واعتبارهم قوة متجبرة ، وبالتالى اعتبار كل من هو ضدهم بطل يجب مساعدته ومعاضدته ضد جبروتهم؛الأمر الذى قد يؤدى الى انتشار الجرائم عموما ان لم يكن ضد افراد الامن انفسهم بالأخص !!
وكوقاية لمثل ردود الفعل هذه اعتقد انه يجب على كل مسئول أمنى التشديد من عقوبات مستخدمى العنف بما يتفق مع حفظ كرامة المواطن واحترامه وادميته ، وان كان مشتبه به .
وان لم يفعل ذلك حفاظا على اخيه فى الانسانية ، فليفعلها حفاظا على مركزه الوظيفى، او خوفا من دورة الأيام فيصبح تحت رحمة من لا يريد به رحمة ، او من اوقع به ظلما لرفعة منصب ناسيا ان الله فوق الجميع!!
*******
لأول مرة أسمع عن رواية يتم مصادرتها عن طريق شرطة الاداب!!!
وقد قيل انها صودرت نظرا لاحتوائها على مشاهد والفاظ تخدش الحياء العام!!!!!
نتحدث ها هنا عن رواية " مترو" وهى اول رواية مصورة مصرية ، قام بتأليفها مجدى الشافعى ، ونشرتها دار ملامح للنشر وهى تابعة لناشط حركة كفاية محمد الشرقاوى!!
تبعا لسير المقال فى التحدث عن حقوق الانسان ، سنتحدث بداية ببند حرية الفكر والتعبير ، والذى يتيح لكل مواطن حرية التعبير عن رأيه وافكاره دون قيود!!
وبالتالى ، وبما ان مصر من الدولة المنضمة للدول المهتمة بحقوق الانسان – نظريا على الاقل – فمن البدهى انه سقف الابداعات ، وبخاصة الادبية والفنية ، يكون مرتفعا ، هذا ان وجد لها سقفا !!
مايثير حيرتى حقا ، غير انه تتم المصادرة عن طريق شرطة الاداب ، هو انفتاح السلطات على الاعمال الفنية المرئية ذات الانتشار الاوسع كالاعمال السينمائية والبرامج الحوارية على هذا النوع من الحريات ، والسماح لهم بالدخول فى تلك المناطق المحظورة باسم حرية التعبير والفكر، وكذلك فى بعض اعمال كتاب اخرين ، نلاحظ الانفتاح الفكرى وتقبل السلطات لاعمالهم على الرغم من كونها شديدة الجرأة فى التعامل مع الالفاظ والأحداث !!
وبالتالى لا يعد هذا فحسب تعدى على حرية التعبير والابداع لبعض افراد الدولة ، بل كذلك يعد كيل بمكيالين – مشيها مكيالين- حيث يكون لبعض الافراد يد طليقة فى التعبير عن افكارهم ، ولغيرهم سلاسل وقيود .
الطريف بالأمر أنه إصدار قرارات المنع والمصادرة تمنح دعاية رهيبة للعمل المُصادَر ، ومن الممكن جدا ان تجد عليه إقبالا للقراءة ، وإن كان ذلك من مصادر غير شرعية كالتحميل من الانترنت أو غيرها!!
كذلك نجد الهيئات الدينية – الكنيسة والأزهر – بمصادرة روايات ومنع نشرها نظرا لما تحتويه على تعديات او اهانات على المقدسات ، او زعزعة معتقدات معينة ، وذلك مثل رواية عزازيل للكاتب يوسف زيدان والتى طالبت الكنيسة بمنعها، ومجلة ابداع التى قام الأزهر بوقف اصدارها ، وذلك نظرا لاحتوائهما على ما يمس المعتقدات الدينية من وجهة نظر المؤسسات الدينية!!
مع كامل احترامى لوجهات نظر المؤسسات الدينية والامنية كذلك وتقديرى لها ، الا انها بذلك اولا تقدم جاذب كبير للقارىء الثائر المتمرد على فرض القيود ، وفى نفس الوقت لا تعرض ردا عمليا على التهجم المزعوم!!
ان فكرة المنع تزيد العمل جاذبية ، خاصة مع تزايد وتيرة الملل ، والتى تجعل من كسر القيود واتباع الغريب وغير المألوف ظاهرة متكررة !!

وبالتالى أعتقد أن أفضل حل لمواجهة الأفكار ، هى مواجهة بأفكار مثلها ، وليس بالقمع والمصادرة والإيقاف!!
ولست أتحدث هنا عن الخطب الوعظية التقليدية مثل ( كده عيب _ ودى قلة أدب ) ، بل عن مواجهة فكرية ، ومقارعة الحجة بالحجة ، أعمال إبداعية وأساليب مبتكرة للرد ، تخلق جو من الحراك الفكرى والذى سيؤدى بالتالى إلى حراك اجتماعى إيجابى .

فى النهاية ، إن كل ما أحببت أن أوضحه إن المبالغة فى أى شىء يؤدى إلى نتيجة عكسية ، ففى المبالغة فى استخدام العنف ، سينتج عنه عنف مضاد ، ومن المبالغة فى المنع ، سينتج عنه ميول للجنوح والخروج عن المألوف وإن كان ضد المجتمع ذاته!!
وهذا بالطبع مع كامل احترامى وتقديرى لكل الجهات المذكورة دينيا وأمنيا ، وتقديرى لدورهم فى حماية المجتمع ، فليس اعتراضى على بعض أساليبهم اعتراض على وجودهم ، بل هو رغبة فى وضع أفضل لما أراه معالجة سيئة لبعض الأمور، 
فى النهاية ، إن كل ما أحببت أن أوضحه إن المبالغة فى أى شىء يؤدى إلى نتيجة عكسية ، ففى المبالغة فى استخدام العنف ، سينتج عنه عنف مضاد ، ومن المبالغة فى المنع ، سينتج عنه ميول للجنوح والخروج عن المألوف وإن كان ضد المجتمع ذاته!!
وهذا بالطبع مع كامل احترامى وتقديرى لكل الجهات المذكورة دينيا وأمنيا ، وتقديرى لدورهم فى حماية المجتمع ، فليس اعتراضى على بعض أساليبهم اعتراض على وجودهم ، بل هو رغبة فى وضع أفضل لما أراه معالجة سيئة لبعض الأمور ، وإن كانت غير دقيقة جدا ، فهى رؤية لشخص عادى ، مواطنة مثل آلاف غيرها !!!

تم بحمد الله 

حبنا والاخرون .... خاطرة

أحبك.... ولكن حبى يختنق فى كل لحظة بألف خوف

أحبك ...ولكن الشوق مؤلم قاس لا يرحم

والخوف وحش يتمثل لى بآلاف الهيئات...

يتمثل لى تارة بعيون متهمة بآلاف التهم المحفوظة منذ مئات السنين ..
فالحب جريمة لا تغتفر ، وواجهة لامعة لعمل محتقر!!!
ويتمثل لى أخرى فى عينيك لحظة الفراق.. 
فهل تكون لحظة الوداع الأخيرة ، وهل يفارقنا الحب كما افترقنا؟؟
ويتمثل لى فى المستقبل ... فالحب طفل بلا مستقبل .. ولا حياة بين اتهامات البشر..
أحبك .. وترعبنى النهاية، كما ارتعبت فى البداية 
فالحب معول يحطم قلبى لآلاف القطع ، والخوف شعلة تحرقه قطعة قطعة بتلذذ سادى مع كل لحظة ألم
أحبك .. وأبحث فيك عن الأمان ولكن....
كيف أطمئن ومنك سر خوفى ..
وكيف أطمئن لعاطفة اشتبه فى دوامها أبدا 
وكيف أطمئن فى لحظات بعدك .. أو حتى فى لحظات قربك؟؟
ففى البعد تقتلنى مخاوف يزرعها الحب والشوق فى قلبى..
وفى القرب تقتلنى مخاوف زرعها الاخرون فى عقلى..
أحبك .. والحب يختنق ويخنقنى ويرعبنى!!
فهلا أخبرتنى أين أجد الأمان؟؟

تمت بحمد الله



 
2007                                                                  ريم وجيه 

عازفة البيانو .. خاطرة

مررت ككل يوم جوارها غير مكترث ، كأى مشهد نراه كل يوم ، مهما كان غريبا نتعد عليه ولا نكترث له .  

فى الواقع لم تكن كأى مشهد يستطيع المرء الاتعاد عليه .... فيكفى جدا أن تنتبه الى تلك الشفافية الارستقراطية فى محياها الباسم دوما حتى تظل ؛ محدقا فيها الى ما لا نهاية .
فى البداية كنت أحدق طويلا .. لدرجة أنى استطيع وصفها بكل دقة وبكل تفصيلة .. كيف تطل من الباب وكأنها بدر التمام ... كيف تسير كنسمات الربيع ، كيف تجلس على المقعد الحريرى كفراشة حطت على خد الزهر... 
كل ما فيها يوحى بالرقى والنعومة والخفوت .... فحتى ألوان ملابسها كانت تبدو خافتة ؛ بتلك الدرجة الفاتحة للغاية من اللون والتى تبدو كأن اللون خشى أن يكون وقحا ويتطفل على صفاء روحها بوجوده بكامل قوته ...
كان البيانو أبيض اللون .. كذلك الذى يبدو لك فى الحلم حين تحلم بأرق فراشة تعزف لك وحدك أرق النغمات...

 كيف تداعب أصابعها أصابع البيانو، كأنما هى أم تربت على طفلها الرضيع ..
كانت تربطها مع البيانو علاقة عجيبة للغاية ... لدرجة تجعلنى أشك فى كونها نغمة من النغمات السحرية التى تعزفها ...
أعتقد أننى ان أردت وصفها كما أشعر بها ... فلن أجد ما يكفى فى عمرى ...
ولو أننى أجزم أنكم ستمنحوننى بعض العذر فى محاولة تقربى منها !!!
ذهبت إليها وبكل جرأة طلبت منها أن تعلمنى العزف على البيانو ..
ويا ليتنى ما فعلت !!! فقد كانت النهاية !!!
أتذكر كلماتها وكأنها نقشت بحروف من ذهب فى قلبى ..
وبصوتها الملائكى قالت :
حتى تتعلم العزف لابد أن تترك عالمك ، تنسى جراحك وآلامك وصخب ضحكاتك ...
لابد أن تنسى قسوة الحياة على راغبيها ، وتنسى طمعك فيها ...
فعندما تتعلم العزف ستسمو روحك فوق كل هذا ...
ستصبح فى عالم النغمات كفراشة فى حديقة الأزهار ..
فلابد أن تكون شفافا نقيا ، كأحلام الحب الوردية ..التى هى دوما وردية..
وأن تكون خافتا حانيا ... كضوء القمر يظلل على عاشقين ...
هذه هى أسياسيات العزف ... فهل أنت ملبيها؟؟!!
فان لم تكن أنت ملبيها ، فلا تكترث .. واعتبر مشهدنا هذا كأى مشهد فى الحياة...
ومن يومها صار مشهد عازفة البيانو وأسير النغمات مشهدا لا يكترث له كأى مشهد فى الحياة...فليس بكل بشر قادر على التخلى عن بشريته حتى أمام ملائكيتها وكذلك غير قادر على التخلى عن حبها ... للأسف  
تمت بحمد الله

2005

كبرياء عاشقان ... عمل مشترك

احم .. أول عمل مشترك لي .. اشترك فى كتابته مع أخى الاصغر ، عبد الله العباسى

صاحب مدونة كلمات متقاطعة http://confusion-way.blogspot.com/

عبد الله بدأ الكتابة منذ أقل من عام ، ومع ذلك شهد أسلوبه تطور أبهرنى أنا شخصيا ،أتمنى له كل التوفيق ، وأدين له بالشكر على المجهود الرهيب الذى بذله فى العمل

والآن ، إليكم بالعمل

كبرياء عاشقان

أُعْلِنُهَا فِي صَوْتٍ عَالٍ
أَقُولُهَا وأنَا غَيْرُ مُبَالٍ
لِأُبَيِّنَ أَنِّي فِي خَيْرِ حَالٍ
أُحِبُّكِ وسَأَظلُّ أُحِبُّكْ
حَتَّى لَو كَانَ طَرِيقِي ظَلَامٌ حَالِكْ
أُحِبُّكِ وسَأَظلُّ أُحِبُّكْ
وَسَأَظّلُّ فِي حُبُّكِ غَارِقْ
وَسَأكُونُ لَكِ وَلْهَانٌ عَاشِقْ
*****
إِنْ أَعْلَنْتَ أو أَسْرَرْتَ ، لا فَرق
فَهَل كَانَ يَوْمَاً الإِعْلَانُ رَمْزاً لِصِدق؟
وَهَلْ بِكَلِمَةِ أُحِبُّكِ ، تَدْخُلُ فِي عَالَمِ العِشق؟
عُذراً ، لا أَقْبَلُ إِحْسَاسَكَ المَزْعُومِ
لِأَنَّ الحُبَّ سَيْدِي ، لا يُعَامَلُ كَالغُيُومِ
يَمُرُّ فِي سَمَائِك يَوْمَاً ، وَيَرْحَلُ مَعَ الرِّيحِ
إِنَّهُ شَمْسٌ تُشْرِقُ كُلَّ صُبْحٍ ، وَتَنْعَكِسُ على قَمَرِ لَيَالِيكَ
إِنَّهُ جَرْحٌ يَنْزِفُ شَوْقاً ، إلّا أَنَّكَ لَسْتَ بِجَرِيح
فَكَيْفَ لِي بِرَبِّكَ ، أَنْ أُصَدِّقَ هذا التَّصْرِيحَ؟
*****
لا يُهِمُّنِي بِأَنْ تُصَدِّقِيهِ أو ألّا تَفْعَلىِ
فَتِلْكَ مَسْأَلَةٌ تَخُصُّكِ ولا تَخُصُّنِي
فَتَصْرِيحِي لَيْسَ مِنْ بَابِ رَجَاءٍ مَنْكِ أَنْ تَقْبَلِي
بَلْ لِمُجَرَّدِ أَنِّي لَمْ أَوَدُّ أَنْ تَجْهَلِي
بِأَنِّي سَأَتَخَطَّى حُبِّي وعِشْقِي لَكِ
عُذْراً .. فَتِلْكَ أَحَاسِيسٌ أَصْبَحَتْ تَخُصُّنِي
وَلَمْ يَعُدْ لَكِ الحَقُّ بِأَنْ تَحْكُمِي
أَجَرِيحٌ أَنَا .. أَو أَنَّ مَا تَرَيْنَهُ هُوَ دَمِي !!
كَيْفَ تُصَدِّقِيهِ وَقَدْ طَرَدْتُكِ مِنْ عَالَمِي
وَبِأَيِّ حَقٍ لَكِ عَلَيهِ أَنْ تَتَقَوَّلِي
بِمُجَرَّدِ بِضْعِ كَلِمَاتٍ أَو أَنْ تُشَكِّكِي !!
لَقَدْ فَقَّدْتِ حَقَّكِ بِأَنْ تَتَكَلَّمِي
بِبِدَايَةِ عِصْيَانِي عَلَيْكِ وَثَوْرَتِي
اعْذُرِينِي مَحْبُوبَتِي ..
فَقَدْ أَغْلَقْتُ بِوَجْهِكِ بَوَّابَةَ عَالَمِي
وَلَمْ يَعُدْ لَكِ الحَقُّ بِأَنْ تَتَرَدَّدِي
عَلَيهِ .. أَو حَتَّى أَنْ تَمُرِّي بِخَاطِرِي
إَلَى أَنْ تَتَذَوَّقِي ..
بَعْضَاً مِنْ مُعَانَاتِي ونَزِيفِ دَمِي !!
*******
أَحَقَّاً سَيِّدِي تَرَى نَفْسَكَ عَاشِق؟!
لَسْتَ إِلّا فِي كِبْرِ الرِّجَالِ غَارِق!!
وعَلَامَ كَرِهْتَ تَسَاؤُلِي وَتَشَكُّكِي؟؟
فَفِي الحُبِّ حَيَاتِي ، وَفِيهِ مَهْلَكِي
وَإِنْ كُنْتُ لِأَوَّلِ هَمْسَةِ حُبٍ أَحْنَيْتُ هَامَتِي
لَمَا سَعَيْتَ إِلَيَّ طَالِباً مَوَّدَتِي
وَإِنْ لِأَجْلِكَ كُنْتُ قَدْ تَخَلَّيْتُ عَنْ حِكْمَتِي
سَتَرْحَلُ ، فَكَيْفَ مِنْ دُونِكُمَا سَأُكْمِلُ رِحْلَتِي؟!
والآنَ تُخْبِرُنِي أَنَّكَ أَوْصَدْتَ أَبْوَابَ عَالَمِكَ مِنْ دُونِي
وَإِنْ لَمْ أَتَعَذَّبْ وَرَأَيْتَ بِعَيْنَيْكَ نَدَمِى وَدُمُوعِي
لَمَا اسْتَحْقَقْتُ شَرَفَ المُرُورَ بِفِكْرِك
سَيْدِي ، لَا أُرِيدُ أَنْ أَمُرَّ بِخَاطِرِك
وَإِنْ كَانَ عَالَمُكَ فِرْدَوْسٌ وَكَانَ المِسْكُ عِطْرُك
فَلَنْ أَقْتَرِبَ خُطْوَةً مِنْ سِيَاجِ حِصْنِك
أَغْنَانِيَ اللهُ عَنْ حُبٍ مِثْلَ حُبِّك
اذْهَبْ ، فَقَدْ مَلِلْتُ سَمَاعَ حُجَجِك
وَاتْلُ عَلَى غَيْرِي شُرُوطَ سِجْنَك
فَقَدْ تَرْضَى مَنْ هِيَ دُونِي قُيُودَ أَسْرِك
وَحُبٌ تَبْذُلُهُ مِنْ دَمِهَا إِجَابَةً لِطَلَبِك
********
ذَلِكَ لَيْسَ بِكِبْرِ الرِّجَالِ وَلَكِنَّهُ
حُبٌ يَفُوقُ الوَصْفَ والمَشَاعِرِ !!
أَنَّى لَكِ بِهِ أَنْ تَشْعُرِي
فَذَلِكَ مُحَالٌ .. صَدِّقِينِي يَا عُصْفُورَتِي !!
عُذْرَاً .. فَلَسْتُ اسْتَدِرُّ عَطْفُكِ ولا حَنَانُك
وَلَنْ أَطْرُقَ مَرَّةً أُخْرَى ... بَابُك !!
لِأَنِّي أُوقِنُ بِأَنَّ ذَهَابُكِ إِلَيَّ .. وَإِيَابُك
حَتَّى وَإِنْ تَعَدَّدَتْ طُرُقَاتِك
فَإِنَّكِ أَضْعَفُ مِنْ أَنْ تَحِيدِي ..
عَنْ سُلُوكِ دَرْبِي وِسَبِيلِي
فَقَدْ تَعَوَّدْتِ أَنْ تَشْرَبِي كُلَّ صَبَاحٍ ..
مِنْ نَهْرِ عَطْفِيَ و حَنَانِي
وَأَنَا لَكِ .. سَبَبَ الجَفَافِ الوَحِيدِ
لِنَهْرِ دَمْعَكِ الجَارِي !!
فَلِنْ تَجِدِي أَحَداً غَيْرِي
يُمْكِنُهُ أَنْ يَرْعَاكِ يَا طَيْرِي
وَسَتَنْدَمِينَ النَدَمَ الغَالِي
لِأَنَّ زَادُكِ .. فِي أَحْضَانِي !!
ذَلِكَ هُوَ حَالُكِ .. إِنْ اسْتَفْزَزْتِ غَضَبِيَ العَاتِي
وَإِنْ كُنْتُ قَدْ تَرَكْتُكِ سَالِفاً
تَعْزِفِينَ عَلَى أَوْتَارِ قَلْبِيَ الغَالِي
فَقَدْ ..
أَغْمَدْتِ فِيهِ نَصْلَ هَجْرِكِ المَسْمُوم
لِذَلِك ..
سَأَقُومُ بَانْتِزَاعِكِ يَا أَكْبَرَ الهُمُوم
لِأَسْتَطِيعَ أَنْ أُوَاجِهَ أَلَمِيَ المَدْفُون
فِي نِزَاعٍ أَشْبَهَ مَا يَكُونْ بِالحَرْبِ الضَرُوس !!
فَأُدَاويَ مَا قَدْ أَثْخَنَ قَلْبِيَ مِنَ الجُرُوح
وَلِتُعِيدِي تَرْتِيبَ قَرَارَاتُكِ الهَوْجَاء !!
عِنْدَمَا تَعْرِفِينَ مَعْنى الفِرَاق ..
وَأَنَّهُ لَيْسَ لِمِثْلِهِ .. عَنَاء
مَرَّة أُخْرَى ..
يَبْدُو كَأَنَّهُ لَمْ يَصِلُكِ مَغْزَى رِسَالَتِي ..
وَمَا المُرَاد
وَلَمْ تَسْمَعِي وَلَو بَعْضاً مِنْ آهَاتِ الفُؤَاد !!
فَكُفِّي عَنْ سَرْدِ الأَعْذَارِ وِتَخَلُقِهَا !!
وَعَنْ نَسْجِ الأَوْهَامِ وَنَثْرِهَا
فَإِنِّي أَرَاكِ تَرْتَجِلِينَ فِي دَوْرٍ لَا يَلِيقُ بِكِ ..
لِأُصْبِحَ أَنَا .. المُخَادِعَ المَاكِرْ !!
تم العمل بحمد الله

احبك ..مرة بعد مرة ... خاطرة

أراك لأول مرة .. تأسرنى نظراتك العذبة
ويمر يوما بعد يوم ... لازداد تعلقا بحبال من الهوى اوهى
نتبادل حديثا يكون للذكرى ... ونتباعد لاول مرة
ويمر يوما بعد يوم .. لتمرى على خاطرى بسمة
اتذكرك بكل المشاعر الحلوة ... ولم لعذاب الشوق انسى؟!
لتمر اياما وايام ...وعندما تبهت صورة عينيك فى ذهنى
تعودين شعاعا من الشمس ، لأرى دفء عينيك
واتنسم من عطرك نفحة ...
لاحبك مرة اخرى .. ويكون عذابى فى حبك اضنى
فلست ادرى امازلت بعيدة ام ادنى ؟؟
فقد اعتدت ان احملك فى قلبى وردة ..ظننتها جفت مع الايام
وقد رأيتك فاصبحت نضرة ، يلمع عليها الندى قطرة قطرة ،
وكأن ضلوعى قد افلتت دمعة
تبكى ذكريات لم نعشها ، فان عشناها لكانت حياتنا جنة
وتحين لحظات وداعنا المرة ..
ليعلن فى حبنا دورة ، بدأت بحبك وانتهت بالحسرة
واهجر الدنيا ، واجاور الصخر، حتى لا تخطرى لى فكرة
ولم سيدتى اراك فى طريقى درة .. وليس كمجرد حجر عثرة؟؟
لست ادرى ما فيك يعيدنى لبداية الدورة
لأتمنى ان اضمك الف مرة
واجمع من السماء نجومها ... تاجا يزين الغرة
ولاجعل من نفسى غلافا يحميك من اى ضربة
تسددها الحياة .. او حتى ذكرى لحسرة!!
حبيبتى وان افترقنا ، وان بهتت الذكرى
فلحظة ارى عينيك ، ستنبت من جديد البذرة
وتدور قصة حبنا الف مرة وستجديننى

احبك .. مرة بعد مرة

تمت بحمد الله

بالمناسبة .. البوست الجاى هيكون حاجة مختلفة ... يارب يعجبكم